鮨心 (已搬遷) 新店位置

地點好方便 就喺旺角地鐵站隔離 同地圖顯示嘅一樣。店內裝修充滿日式風味， 簡約嘅裝修， 配搭充足嘅光線， 令人更加舒服，令人有家嘅感覺。蟹子沙律， 份量十足， 上面嘅蟹子超級多， 好似唔使錢咁，多到有啲誇張。厚燒玉子， 同想像中明顯有出入， 不過味道上還可以， 鹹鹹甜甜，入口味道感覺有趣。油甘魚手握壽司， 做得唔係差， 但係唔算特別好，普通。彩虹卷， 三種唔同材料， 合體製作而成嘅卷物， 最重要上面小小嘅黑魚子， 令到味道更加豐富，口感更加多層次。牛油果軟殼蟹卷， 一客四件， 估唔到份量都幾足， 做到裏面嘅軟殼蟹夠曬脆身，配合埋牛油果嘅軟滑， 口感出眾。粒粒魚生丼， 好大碗， 好多魚生，但係有啲可惜， 有少少腥味。唔好計碗魚生飯，其他嘢做得真係唔錯， 下次嚟我識點叫啦。