花丸 (已結業)

朋友想食日本野，見到呢間餐廳可以自製章魚小丸子及御好燒，所以就book左呢間~ 揀左八爪魚花丸燒，有麻糬~之前喺朋友屋企試過整，所以今次跟住說明，好易就整到~賣相都唔錯~再加埋醬汁配料，食落同喺大阪食嘅章魚小丸子一樣咁好味~由於朋友唔食豬肉，所以叫左牛油粟米御好燒~將所有材料攪拌好就可以倒落去初初都整得好靚，但一反就散左... 一分為二...但經過修飾後，都見得下人~ 食落都唔錯~ 好味~另外，叫左塊牛肉，set有白飯，2個人share，剛剛好~牛肉好味~ 有得玩又有得食~ 好滿足~價錢亦都唔貴~ 不過每人最低消費$100