影片
更多
2018-09-09
84 瀏覽
同住新界西嘅朋友喺元朗逛逛下見到呢間西餐廳門口餐牌價錢唔貴，選擇亦多就決定入去解決我哋嘅晚餐。呢間西餐廳唔算大，入面應該坐到大約三四十人，當時未到晚上七點所以唔洗等就可入座。室內設計不錯，有小窗戶又有燈飾，牆身油左舒服嘅淺藍色，有屋企嘅感覺：）我地揀左一個沙律，一個薄餅同一個扒餐。呢度所有扒，薄餅，飯同意粉嘅價錢都包飲品，餐湯同蒜蓉包。主食都有差不多三十個選擇。本來想試慢煮美國牛肋骨，但店員話呢個餐要預先打電話訂，另外西班牙BB豬都要訂。最後我地就揀左美國安格斯西冷扒，馬巴薄餅同煙三文魚凱撒沙律。首先一人一個餐湯同蒜蓉包賣相好吸引我嘅南瓜湯幾甜但唔講係南瓜湯就唔係幾飲得出。朋友飲嘅磨菇湯味道較好。而蒜蓉包就鬆軟而且唔會過油。煙三文魚沙律都有六七片三文魚，好足料。仲有啲芝士絲，沙律菜亦新鮮香甜，唔錯！主食嘅西冷牛扒原來都配有好多沙律菜，好鍾意個薯蓉配菜，份量唔少而家入面仲咬到一粒粒薯仔，味道亦調得剛好，冇過咸而搶咗薯仔味。下次可以試埋佢啲薯條。牛扒以呢個價錢嚟講算係唔錯，筋位不多，肥位亦唔會過多。雖然唔覺得有安格斯味，但牛味亦濃郁。巴馬薄餅幾好食，上面有啲酸醬，幾得意。每一件薄餅都有一片
呢間西餐廳唔算大，入面應該坐到大約三四十人，當時未到晚上七點所以唔洗等就可入座。室內設計不錯，有小窗戶又有燈飾，牆身油左舒服嘅淺藍色，有屋企嘅感覺：）
我地揀左一個沙律，一個薄餅同一個扒餐。呢度所有扒，薄餅，飯同意粉嘅價錢都包飲品，餐湯同蒜蓉包。主食都有差不多三十個選擇。
本來想試慢煮美國牛肋骨，但店員話呢個餐要預先打電話訂，另外西班牙BB豬都要訂。最後我地就揀左美國安格斯西冷扒，馬巴薄餅同煙三文魚凱撒沙律。首先一人一個餐湯同蒜蓉包
賣相好吸引
我嘅南瓜湯幾甜但唔講係南瓜湯就唔係幾飲得出。朋友飲嘅磨菇湯味道較好。而蒜蓉包就鬆軟而且唔會過油。
煙三文魚沙律都有六七片三文魚，好足料。仲有啲芝士絲，沙律菜亦新鮮香甜，唔錯！
主食嘅西冷牛扒原來都配有好多沙律菜，好鍾意個薯蓉配菜，份量唔少而家入面仲咬到一粒粒薯仔，味道亦調得剛好，冇過咸而搶咗薯仔味。下次可以試埋佢啲薯條。牛扒以呢個價錢嚟講算係唔錯，筋位不多，肥位亦唔會過多。雖然唔覺得有安格斯味，但牛味亦濃郁。
巴馬薄餅幾好食，上面有啲酸醬，幾得意。每一件薄餅都有一片大大嘅巴馬火腿，亦都係唔錯，唔會太靭咬不開。薄餅係薄身好似餅乾咁，硬左少少，如果可以再鬆脆少少呢個薄餅我就會再畀高分啲。
兩個餐都可以揀一啲特色飲品唔洗加錢，我地叫左薄荷朱古力同鮮奶抹茶。餐飲嚟講真係算味道唔錯。
下次會想試下午餐同佢啲意大利飯
張貼
