壽記海鮮酒家

營業中

休息中

唔知點解覺得去離島就一定要食海鮮，平時去親長洲都會，所以今次去南丫島都特登搵間海鮮黎食下。入到去先發現原來同長洲既價錢差天共地，不過既然都入左黎，就姑且試下啦。其實個menu都無咩用，純粹比你知餐廳有咩食，因爲海鮮大部分都寫時價。鮑魚仔最少要叫4隻，$40一隻，我地得2個人話怕食唔晒，佢竟然同我講係好細隻，唔怕。但最後因爲都唔知可以叫咩，所以覺得貴既情況下都叫左。同佢所講既一樣，係好細隻，真係好貴。蟹肉蛋白湯係完全無味，唯有自己加胡椒粉。所謂的蟹肉一大鍋講緊得幾粒，其實全部都係得蛋白。蒜茸粉絲蒸扇貝叫做正常，扇貝偏細粒，但都係貴。最估唔到最好食係碟雞，雖然個賣相不太好，但雞肉嫩滑，d菜吸收晒雞既味道。總括而言，食物好一般之餘，價錢係貴到好唔合理，唔會再係南丫島食海鮮。