稻香 (新都城中心) (已結業)

之前食過食稻香嘅任食火鍋，覺得好抵，今次去第二間再試，我哋8:05分排隊，8:15㩒飛仔，8:30依次序入座。呢間比同區另一間無咁逼無咁多人，但自助區就比較混亂，糖水經常無但無職員Refill，自助區亦只提供一啲有窿嘅籃提比客人拎菜，粉麵，呢啲有水份嘅食物，導致成枱水。有少少漏單情況，不過職員禮貌同服務係唔錯，另外比上次多咗其他食物，價錢都係抵。刪除咗嘅食物都係自取。芫茜皮蛋鍋。自取食物，餐肉好味。魚類，都幾新鮮，無腥味，魚雲係最好。白鱔片好薄好少，廣島蠔都唔錯。肉類正常。墨魚仔有怪味，另外有啲新嘅食物。魚皮夠脆夠新鮮。另外仲有其他飲品，啤酒要問職員拎。芝麻糊經常要無。雪糕呢間得雲呢嗱味，另外有兩款雪條。