Youni (The ONE) (已結業)

上完瑜珈堂後覺得有啲肚餓，但係又想食得健康啲🤔，於是就周圍search下附近有咩岩食，見到Youni標榜健康、無味精，每個餐仲有標明卡路里，方便計算。Youni開左係gym room裏面，唔講唔知係獨立嘅餐廳黎，仲諗住係goji會員先食得。餐單會將唔同菜式按功效分類，包括增肌、減脂，令有需要人士一目瞭然。🤓呢到可以自由配搭想食嘅肉類加三款伴菜再加款主食。我自選左慢煮雞胸，伴菜有南瓜粒、杞子拌黑木耳、奇亞籽温泉蛋，主菜係羽衣甘藍凱旋沙律。雞肉唔好睇佢個樣好似白灼咁，以為又鞋又冇味，其實很嫩很淋，加上薑葱醬又健康又好味。而成碗蔬菜充滿色彩，令人食慾大增😛😛😛