辛安東元祖奶奶雞 (已結業)

之前喺韓國試過嘅呢個元祖奶奶雞，其實我都唔係好知究竟係乜黎。不過對個味道念念不忘，然後發現其實近近地，旺角都有，當然黎試吓啦。值得一讚嘅係佢鋪頭嘅裝修好有心思去佈置，係走呢一個工業風嘅風格，而且其實佢地方夠大，有兩層。我哋就上咗去第二層，不過唔好覺得去咗上一層就叫天不應，叫地不聞。因為佢每一個區域都會放一個侍應喺度，時時刻刻留意你有冇咩需要，當你舉手就衝過嚟幫你，非常之細心。個廁所都好乾淨😈😈😈😈嘢飲就十萬個推介芒果沙冰！😻😻😻😻首先佢唔會有好甜嘅芒果糖漿味，我好怕佢太甜，但係呢個冇。其實佢係仲有乳酸，加上沙冰，所以一路飲會慢慢一路融，咁就會有芒果乳酸沙冰嘅效果啦，我覺得呢一個用嚟配炸雞好夾，推！👻至於招牌主打元祖奶奶雞，我只係叫咗半隻，其實我覺得半隻份量已經足夠。原因係我覺得呢一個嘢食，有啲單調。只有雞，醬汁，粉絲同埋蘿蔔。所以可以叫半隻試佢個味道，其他叫其他小食已經好足夠。❗️我唔係話呢一個唔好食，當然係必食，只係試過就足夠😗