木津 (已結業)

今曰去左旺角哩間日式餐廳，哩到裝修極具日式風格，店內中央位置放左棵櫻花樹裝飾，再加上木紋為主設計，令環境相當温暖舒適。食物種類相當多，飯、麪、小食、串燒同刺身係哩到都可以食到。今日就試左款烏冬，魚生丼飯同串燒，味道非常好，值得推介。上菜速度唔算快，不過啲食物食得出係即叫即燒既，所以等一陣完全唔係問題。先黎既係魚生飯，哩款三色丼飯有三文魚、帶子同甜蝦。望落魚生都有光澤，味道鮮甜，夠新鮮。魚生完全幅蓋飯面，份量一啲都唔少。哩個照燒雞扒豬骨湯烏冬有驚喜。特別係佢個豬骨湯底，清甜得黎一啲都唔咸，無味精。烏冬麪質煙韌，有口感。雞扒煎到外皮微脆，厚砌雞扒肉質夠嫰。串燒我地揀左雞翼、雞皮同雞軟骨。三款當中我最鐘意係雞皮串燒，雞皮脆脆地，十級美味。其他都唔錯，個醬汁調得出色。飲品唔算好多，不過果汁、汽水，酒類都有得選擇。