Infinity Workshop Cafe (已結業)

同朋友約食晚飯，搵左呢間樓上cafe可以慢慢坐。黑松露油炒鮮帶子虎蝦意粉 - 虎蝦開左邊，而且爽口彈牙，意粉富彈勁。肥美既帶子，厚實口感。all gold 炸物拼盤有蟹柳、春卷、蝦多士、洋蔥圈跟扭扭薯條，單憑色澤金黃既脆漿，已知係香口鬆脆之物。奶油芝士千層薯 - 忌廉混合薯蓉烤焗，質感幼細唔乾。薯蓉披上絲絲芝士，「芝」味十足。招牌漢堡配粗薯條 - 漢堡好巨型勁有份量，無可能一口咬落去，要分開黎食。牛角包內有厚身既牛肉漢堡扒、煙肉、芝士、生菜、蕃茄和醬料。牛肉漢堡味道不錯，煙肉煎得焦脆加分不少。薯條是粗條的炸得好香脆。Haagen Dazs 雪糕心太軟 - 可以自選兩款雪糕口味，我地要左個野莓雪葩及朱古力雪糕。切開心太軟有朱古力漿慢慢流出嚟，野莓雪葩配心太軟真係唔錯，雪葩酸酸甜甜可以中和心太軟內朱古力的甜度。