小王牛肉麵 (已結業)

Weekday中午係德福搵地方食飯唔係一件易事，見到呢間算是唔多人排就拎飛等下，等左10分鐘左加就有位。逐樣講之前毛講結論︰唔使試。五香牛肉乾拌面牛肉好多筋，非常難咬，質感我覺得什至係嘔心，味道奇怪。配菜係青瓜同洋蔥，完全冇為個面加分因為唔夾。醬係一匙酸菜同一少少XO醬樣有少少辣嘅醬，首先醬嘅份量完全唔夠撈成個面，另外一D都唔惹味，成個面算得上難食。台式肉燥滷蛋飯一D都唔正宗嘅味道，完全唔香，味道唔好。一口鹽酥雞賣相係OK，應該係岩岩炸好，可惜粉太多，食落去直程覺得粉同肉份量好似5:5咁。洛神花山楂茶聽個名已經大概有心里有底味道會係酸酸味味，不過一上台睇個顏色已經感覺不妙，個樣完全就係一杯色素水。飲落果然係假甜，完全冇洛神花/山楂嘅天然口味。食左3款送同一杯野飲，全部差評。喺又要等，環境又唔係特別好嘅情況下實在俾唔到一個再試嘅理由。