饗和民 (萬宜大廈)

營業中

休息中

今日喺中環收工，約咗老婆去呢間新裝修完嘅和饗民食晚飯。兩個月前完成裝修不過一直都未有機會過嚟試吓。裝修完之後真係靚咗好多，感覺亦都比之前高尚。入門口嘅時候經過見到一個好大隻寫住宮崎和牛嘅牌，得老婆批准今晚可以食和牛!本身見到門口擺咗好多支日本清酒，可惜老婆只準食和牛不准我飲清酒睇完個餐牌叫咗100g宮崎和牛牛柳牛肉都幾厚身嘅廚師幫我地整咗五成，分開咗八件。每一件都係入口即溶牛柳本身冇用調味料，可以選擇跟蒜片或者點小小鹽去食。不過感覺上最好嘅食法都係原汁原味去品嚐。跟住再叫咗一個串燒拼，每一款都有一串等我可以試晒所有嘅嘢。青蔥牛肉卷同埋燒雞翼最好食。再追加左一份燒魷魚同埋牛油果軟殼蟹卷。牛油果軟殼蟹卷非常好味軟殼蟹炸得好香脆，配清清地嘅牛油果一流。