小伊甸 (已結業)

相約我的她今日食午飯，由於她在觀塘區工作，近近地遷就下佢，去左觀塘工業中心嘅小伊甸食台灣野。第一次黎小伊甸，地方都算幾易搵喎👍餐廳裡面地方唔算大，但座椅都幾闊落😌我地叫左1個雞排皇牌特餐配波覇奶茶（加大）$72、1個豬排皇牌特餐配冬瓜仙草（加大）$69。收銀小姐幾好人，我地本來想點加大（加$5），佢同我地講話個餐飲本身已加左大☺️全部點左半糖、少冰。珍珠奶茶稍為淡左少少，而且珍珠漿埋左一堆堆，但都可以接受的。但冬瓜仙草又甜左少少😅雞排同豬排都係鹽酥，豬排唔會太油膩，亦夠鬆化，肉燥飯不鹹，屬健康類型。雞排亦是好味。最好味嘅係椒鹽花枝丸，炸到熱辣辣，陣陣椒鹽味加上彈牙嘅花枝丸真係好好味🤤整體都不過不失嘅，但觀塘區午餐黎講價錢就唔平。如果飲品質素都可以提升就更好🙂