港麵子 (已結業)

本來想黎食school food，行到過黎先知原來執左粒，轉左間面店，於是膽粗粗試下新野。菜既款式唔多，主要係面食，有幾種湯底揀，我地叫左一碗雜菜喇沙湯面同埋一碗擔擔面。兩碗湯底都好吸引，喇沙湯夠哂正宗，有香濃既椰奶味，擔擔湯都okay，不過無咩花生既香味，而兩碗都唔算太辣。喇沙面既面底比較有口感，好似上海面，擔擔面既面比較幼細，好似線面，同平時食開既好唔同。不過喇沙面D餸就麻麻地，感覺有點hea，比左幾舊好生既蕃茄，未煮林既白蘿蔔，同埋一條菇，唔係講笑真係得一條。不過豆卜係幾入味，吸收哂喇沙湯既精華。最後就係價錢公道，係德福廣場黎講四五十蚊一碗面都算幾抵食，不過唔算太有特色，可以當食個快lunch。