日牛涮涮鍋專門店 (已結業)

久不久就會好想食日式火鍋，仲要係放題任叫任食，屋企樓下有一間，趁暑假尾食返餐。這裏是一人一鍋，自己可以揀選喜歡的湯底，我最喜歡壽喜鍋湯底，甜甜地，淥完嘅牛肉用沾醬汁，還配有一隻雞蛋，最後放湯熟，特別好食。這個是最經濟實惠的套餐，牛肉質素都不錯，也可以點豬肉及雞肉，肉類切得薄薄，一淥就熟，淥耐咗嘅牛肉依然好好食唔會韌。好快可以吃完一盤，再點，店員都火速送上一盤盤牛肉，真的非常可口。出面自助區包括蔬菜、菇類、豆腐、烏冬、丸類及腸仔，特別想提，有一個芝士丸，出面好少食到，濃濃芝士香味，種類唔算好多但已經足夠。另一邊是飲品區，汽水、檸檬茶、咖啡熱茶等等，也有一部乳酪機，可加朱古力豆豆、棉花糖等等。$168這個價錢可以吃到咁多，真係物有所值。