Puzzle Dining (已搬遷) 新店位置

有驚喜！呢間野位於馬鞍山公共泳池既旁邊，一開始見到都幾surprised，無諗過泳池隔離會有餐廳，間野既格局好有feel，好似一間屋仔咁。場地好大，好寬敞，環境好有氣氛，很喜歡呢到播既音樂。我地叫左都幾多野食，先講下份三文魚他他其伴牛油果沙律，個醬汁幾特別，酸酸甜甜，牛油果勁新鮮，仲要比足成粒！平時食開既沙律菜都好苦好澀，但呢碟菜既味道好易入口，旁邊仲有自家制既牛油果醬，好濃郁，咸咸地，專登留番少少拎黎點薯角。燒魷魚好香，好新鮮，不過如果加少少醬汁味道會更好。小牛柳肉質鮮甜，由於食唔到太生，所以我地叫左八成熟，但出乎意料地口感幾好，唔會太韌，因為平時如果叫熟少少就會好似食緊擦子膠咁。另外佢比左隻好特別既汁我地，同牛肉既配搭簡直一流，不過如果塊牛可以燒香少少就更加好。另外我地叫左個happy hour既組合，包一杯啤酒同埋一份香腸薯角，薯角外脆內軟，好香口，旁邊仲有一堆淋左芝麻醬既椰菜絲，又睇得又食得。最後講下甜品，我地叫左自家制朱古力慕斯，面頭係忌廉，底下係mousse，建議兩層一齊食，口感會更加好。朱古力味十分香濃，唔會太甜唔會太膩，為成個晚餐劃上一個完美句號。整體黎講食物質素都幾有