方太糕品舖 (已搬遷) 新店位置

之前同事曾經外買過方太嘅芝麻卷返去公司，上次食完芝麻卷真係覺得好香好好食，又唔會好甜。今次路過佐敦，特登行去上海街嘅方太想再試佢嘅芝麻卷，去到鋪頭嘅時候，已經淨返最後兩條黑芝麻卷，即刻買晒佢😂，再加一條白芝麻卷，鋪頭仲有得俾你揀剪開幾多份。買咗三條已經滿滿一大盒，黑芝麻卷好滑，食完齒頰留香，入面仲加咗一粒粒白芝麻，味道亦唔會太甜。另外買咗白芝麻卷試食，白芝麻卷入面都好多白芝麻，不過就冇黑芝麻卷咁香。其實香港地少人多，鋪租貴，而家手製糕點小食店買少見少。呢間小食店算係幾出名，無綫電視都採訪過，有機會要多多支持下！😬希望呢啲手製糕點就唔會失傳。