Bove (已結業)

性價比極高梳乎厘！$40兩件，大大個，好厚身，好鬆軟，好有空氣感，有入口即溶既感覺。我叫左伯爵茶pancake，雖然茶味唔係好出，不過賣相一流，好多黑色一粒粒。總而言之，有伯爵茶個樣，無伯爵茶既味，不過甜甜地都幾好食，底下仲有蜜糖。另外仲追加左一杯牛奶雪糕，牛奶味超級濃，唔會太甜，同個pancake好夾！雖然要等20分鐘，不過值得一等！另外佢地仲有賣雞蛋仔同格仔餅，聞到已經覺得勁香勁好食，下次會番黎再試！