中環茶記 (已結業)

日日係屋企煮飯抗疫都一段時間，趁放工經過中環搵下食，乘機偷懶唔煮飯。行到蘭桂坊附近，經過已經結業的翠華，突然又懷念食茶餐廳的日子。查下openrice, 搵到間中環茶記試下。聽餐廳店嘅名以為係傳統舊式茶餐廳，行到門口先知道佢係新舊合壁的茶記。保留左舊式冰室嘅格局，配上周圍懷舊嘅海報同裝飾，好似去返以前讀書的日子。由於疫情，我們揀左二樓一個角落的座位。好啱平時下午茶，享受一下寧靜時光嘅最佳選擇，同朋友靜靜地坐下吹下水嘅地方。我同男朋友叫左個滑蛋叉燒飯，瑞士雞翼，一杯龍鳳可樂同一杯龍鳳雪碧。鐘意食滑蛋嘅人應該會好滿足，滑蛋鋪滿白飯嘅表面😆一啖滑蛋配上熱辣辣的白飯，加埋叉燒，真係令平時怕碳水化合物嘅我都忍唔住食多左少少飯😛。一客有三隻，瑞士雞翼炆得好入味，瑞士汁唔會太甜。嘆埋杯平時比較少見嘅龍鳳雪碧🧡食完之後男朋友話我冇做足功課🙈佢發現原來中環茶記有好多特色西多士，例如鹹蛋流心西多、紫薯西多等。唯有留番下次先再試😜