東海堂 (荃灣千色匯I)

營業中

休息中

無錯， 今個月係小女子生日🍾， 好耐無食東海堂 ， 因為早幾年被某大飲食集團收購後質素開始下降， 話說有一年想訂個蛋糕俾朋友， 想加個名牌寫happy birthday 職員話聖誕前後加錢都無得寫名牌🤨， 呢啲咁嘅規舉實在係聞所未聞，生日蛋糕唔可以加字真係不知所謂，迫我唔再幫襯😒。蛋糕係舊同學幫我安排，出咁嚟做野一段時間，大家 fb, ig 會互粉，疫情下會Zoom, 有事會幫忙， 唔介意俾大家知道自己嘅缺點同失意實在唔容易， 希望大家都可以保持。講返個蛋糕，蜜瓜每片都砌得好均勻👍，賣相都幾好，不過蜜瓜就唔夠甜，中間除咗cream 仲有啫喱，唔算heavy 都不錯，不過最珍貴最吸引當然係大家嘅心意。