八福 (已結業)

今日決定係旺角平食，就搵到呢間黄店，一去到見到勁長龍就嚇親，不過好彩係排隔離拉面（本人好唔鍾意排隊等食😖）不過我地去到果陣呢間都full左，但好彩都好快入到去。呢間主打自家製烏冬，個set都幾抵食，包主食，野飲同小食。蟹肉烏冬又真係都幾多蟹肉，但略嫌個湯有啲杰，唔係幾鍾意，食完會覺得好飽。但果兩粒炸帶子係帶驚喜既，本身以為呢個價錢會好厚粉，但點知粒帶子又幾大粒。然後仲叫左個蟹棒烏冬，都係正正常常清清地，幾岩我胃口。唔想飲野，但口痕想食下個中華沙律就額外叫左個小食過下口癮。下次黎到旺角諗唔到食咩會再黎食😚😚