川味美食

營業中

休息中

去完黃金買game, 又熱辣辣，咁岩又餓，就求其入一間米線食，當然，目標係冰凍嘅可樂。一間明顯做街坊生意嘅面舖，無特別用心，以綠色為主嘅裝修。枱就唔係係好多張，應該係限聚令所以收埋左。坐低叫左碗麻辣米線加三個餸加可樂，上菜速度普通。米線都幾彈牙，份量都夠食。麻辣十足，都幾辣下，炸醬嘅肉碎都幾野味，整體都幾好食。叫左三個餸，分別係魚皮餃，墨魚丸同爆醬丸。魚皮餃皮薄，內涵又夠晒唔錯。墨丸就最好食，食到墨魚粒，十分足料。 最差嘅係爆醬丸，食落無咩味，又無爆醬，未試過食爆醬丸入面無汁，咬落又硬。而三個餸，每個餸得兩粒，形成多米少餸，啲餸要就住食。