堅信號上海生煎皇 (花園街) (已結業)

堅信號上海生煎皇唔聲唔聲已經開左好多間分店, 今日行過見到有小丸子主題, 比佢吸引左入去, 入到去仲靚呀四圍都係小丸子角色! 星期五晚飯時間真係人頭湧湧, 滿哂座, 拿拿聲叫野食先!酸辣湯雲吞酸辣度都OK, 係香港人口味, 食落唔會好確喉, 不過個人喜歡酸D辣D!  材料有豆腐, 肉絲, 木耳, 荀, 應有既都有齊。雲吞則有水準, 皮好薄又唔會一夾就散,  菜肉餡料飽滿, 質感爽口。堅信號生煎包相信冇乜人入到黎係唔會嗌, 生煎包皮底部煎得香脆, 一咬就爆湯汁, 始終係招牌, 有一定水準! 小籠包小籠包同生煎包做既原理差唔多, 依度既生煎包咁出色, 小籠包應該都有一定水準, 小籠包熱辣辣出籠, 入口同生煎包一樣爆湯, 而且好有肉香, 小心辣口呀~飲埋罐雀檸, 見門口好多人等位就快快埋單LU~