肉骨皇 (已結業)

琴日同女朋友去完銅鑼灣行完之後 就去左大坑覓食 大坑真係一個好地方 有好多各式各樣的小店 食物種類都包羅萬有 行過見到呢間食東南亞菜既 我地就決定去試下店鋪的店面不大 由於我地早入去 所以有位坐唔洗等 但過左半個鐘出面已經有人開始等位 好彩早少少入左去我地揀左三樣招牌菜食 無骨海南雞飯 肉骨茶湯 同埋洋葱油酥餅配咖喱汁無骨海南雞飯: 雞肉好嫩滑 d雞一d都唔"鞋口" 雞皮仲好爽口 而油飯亦好有油香配埋薑蓉真係食到停唔到口❤️肉骨茶湯: 一拎埋黎已經有陣香濃的氣味撲鼻而來 飲落口有濃濃的藥材味 似足我係馬來西亞飲果隻❤️洋葱油酥餅配咖喱汁: 呢個佢焗得好香脆 酥餅夾住洋葱餡再點咖喱汁 個味道真係勁 我最鐘意就係呢個