歡喜燒 (已結業)

朋友鍾意食放題，又鍾意食串燒，原來呢兩樣野係可以結合㗎，今次就嚟咗觀塘試呢間懶人串燒放題。餐廳有好多卡位，環境都闊落，將串燒擺喺個架上面少係有技巧嘅，服務員都會細心指導。可以自己去選擇串燒，其中單骨雞翼同埋泰式雞肉串最好食，可以將雞肉燒得乾脆，仲可以點泰式辣醬。仲有點餐紙可以選擇一啲小食例如蔬菜，南瓜，金菇等。腐乳通菜好入味，都幾好食。另外都仲有嘢飲同埋雪糕可以自己選擇，款式唔係好多，但係都可以回本嘅。