海港酒家 (已結業)

原本諗住請朋食泰國菜慶祝生日，不過晚巿開返後都好多人外出食晚，我哋八點到餐廳要等位但係晚巿只可營業到晚上十點，所以最後揀咗呢間比較少人嘅酒樓。對上一次嚟已經年幾前，我哋一行四人，3大人1小朋友叫咗個4人餐，小朋友剩係食白飯。三人食份量滿意，味道亦幾好，價錢公道，不過成8:30先到，食個半鐘有啲趕。揀咗呢個餐，花膠珍菌千層腐皮無晒，轉咗南瓜炆海參。上湯焗蝦球伊麵，個汁都幾厚身，不過唔會太鹹，蝦肉都幾大隻爽口。西蘭花炒帶子，帶子唔係好大粒，不過都幾多，唔會片到好薄身，亦唔會好似平時咁每人得1-2粒。脆皮醬燒雞(半隻)，皮脆肉滑，好味。陳皮蒸大連鮑魚(八隻)，有啲細隻，但都新鮮彈牙。南瓜炆海參，南瓜炆唔淋，海參極少又細片。清蒸沙巴龍躉斑(約二斤)，蒸得啱啱好，好滑。每人一個蛋白燉燕窩做甜品，唔知真定假，舖上面嘅燕窩份量都好多吓。