廚十三老壇酸菜魚 (譽發廣場) (已結業)

同朋友一行三人晚上光顧了這間「廚十三」既酸菜魚，個度環境闊落，張枱夠哂大，可以放齊所叫既餸。佢哋每枱都會放一支熱茶，飲完叫侍應換就得。我哋當日叫左主菜小份酸菜魚加配菜寬粉同午餐肉，小食叫麻辣豬耳仔同酥炸無面男，酸菜魚味道不錯，酸味適中，但寬粉太厚身，又粗，比較難消化。至於個小食都不錯，但份量太少，以88蚊既醉炸無面男黎講，份量真心少，但味道係幾好食，夠熱夠脆。當晚佢係有限時一小時30分，但如果當日無咩人，都會俾你繼續坐，吾會趕人走呢。