Olive Cafe (新領域廣場) (已結業)

話說最近都享受一個人獨處嘅時間，難得今日可以放低工作四圍搵食。無目標嘅情況下經過餐廳門口，見佢午餐好似幾抵食。咁就坐低試下，我大約下午十二點嘅時候坐低。佢午餐都幾多選擇。最後揀咗意粉自由選，$68蚊再加杯凍啡$12。煙三文魚加煙鴨胸配黑松露忌廉汁。可以任食沙律同餐湯。趁意粉未嚟到就出咗沙律吧到拎沙律同餐湯。沙律菜好新鮮，而且好爽口。餐湯就係羅宋湯。意粉嚟到喇，意粉黑松露味濃郁，鴨胸同三文魚份量都好多。而且味道唔錯，加埋餐飲都係$80，性價比超高。推薦大家可以嚟試吓。