影片
更多
2021-07-15
678 瀏覽
相信大家對呢一間野都唔陌生，可以話係平價嘅意大利菜，可以媲美得上薩莉亞，但係又乾淨啲，坐得舒服啲。今日就嚟咗黃大仙中心食呢一間餐廳。帆立貝龍蝦汁意大利飯 $58首先飯嘅份量真係幾大，細食嘅朋友一定食唔晒🤣質素來講，就做唔到軟綿綿得來有粒粒分明嗰種意大利飯啦，飯粒比較硬，但$58來講真係唔好要求咁多😂龍蝦汁好重味，亦都非常充足，食完之後都仲有啲龍蝦汁喺底！味道來講的確唔錯，食到海鮮嘅鮮味。帆立貝爽口，但唔算大粒。意大利飯都好足料，有菇同魷魚做配菜，總而言之不過不失。蟹籽三文魚蛋白玄米炒飯 $53蟹籽就真係少到冇人有，就咁望都見唔到有，但三文魚都叫做足料，雖然唔可以話每一啖都可以夾到三文魚食，但以呢個價錢來講都差唔多。份量亦都好大，細食嘅可以兩個人分。每粒飯都粒粒分明，做到炒飯嘅質感，但我個人認為意大利飯好食啲。帆立貝海鮮蕃茄濃湯扁意粉 $57同上面個意大利飯有異曲同工之妙，但係就係用咗蕃茄湯，同埋係湯麵。蕃茄湯非常之濃，但就係食唔到海鮮味。不過本身幾鍾意食蕃茄湯底嘅我，就覺得可接受。意粉煙韌，但當然冇得同高級餐廳比較啦，一分錢一分貨。墨西哥瘋狂辣肉醬焗扁意粉 $48睇樣真係睇唔出，原來真
帆立貝龍蝦汁意大利飯 $58
首先飯嘅份量真係幾大，細食嘅朋友一定食唔晒🤣質素來講，就做唔到軟綿綿得來有粒粒分明嗰種意大利飯啦，飯粒比較硬，但$58來講真係唔好要求咁多😂龍蝦汁好重味，亦都非常充足，食完之後都仲有啲龍蝦汁喺底！味道來講的確唔錯，食到海鮮嘅鮮味。帆立貝爽口，但唔算大粒。意大利飯都好足料，有菇同魷魚做配菜，總而言之不過不失。
蟹籽三文魚蛋白玄米炒飯 $53
蟹籽就真係少到冇人有，就咁望都見唔到有，但三文魚都叫做足料，雖然唔可以話每一啖都可以夾到三文魚食，但以呢個價錢來講都差唔多。份量亦都好大，細食嘅可以兩個人分。每粒飯都粒粒分明，做到炒飯嘅質感，但我個人認為意大利飯好食啲。
帆立貝海鮮蕃茄濃湯扁意粉 $57
同上面個意大利飯有異曲同工之妙，但係就係用咗蕃茄湯，同埋係湯麵。蕃茄湯非常之濃，但就係食唔到海鮮味。不過本身幾鍾意食蕃茄湯底嘅我，就覺得可接受。意粉煙韌，但當然冇得同高級餐廳比較啦，一分錢一分貨。
墨西哥瘋狂辣肉醬焗扁意粉 $48
睇樣真係睇唔出，原來真係幾辣！呢個真係幾抵食，份量大，然後非常之平。焗意粉免頭有少少乾，去到底就冇乜問題啦。但我自己覺得啲醬就唔夠多， 未必可以撈埋晒黎食。但總括依然都係不過不失啦。
白酒煙肉忌廉煮蜆 $30
好香白酒味，忌廉味都好重。但就係因為咁樣，而這過晒錢嘅鮮味。個人覺得個味比較滑，重奶味，自己加番啲胡椒粉之後即刻好食好多！但啲顯比較少同比較細粒，以$30來講又唔算話好抵食，係性價比比較低嘅選擇。
總括而言，都係一分錢一分貨。始終都係一間快餐式嘅連鎖店，自己覺得真係算係咁。
張貼
