大鼻滷 (沙咀道) (已結業)

屋企附近最近新開左一間餐廳，主要係食滷水牛雜湯麵，而且仲要係自家滷製。崩沙腩魚片水餃河粉：呢度出名崩沙腩，當然要試下，但又想試下其他配料，所有就叫左幾款配料啦。崩沙腩有肥膏，食落好腍，又唔會好肥；魚片爽口彈牙，唔錯；水餃餡係豬肉和鮮蝦，皮薄餡靚。呢碗係米線，有魚蛋、大腸，牛肚和水餃。魚蛋都係爽口彈牙；大腸和牛肚滷得好入味，而且大腸係乾淨冇臭味的。豬手：南乳花生豬手，滷得好入味，而且好腍，有入口即化既感覺。腐乳通菜：平時食腐乳通菜係炒埋一碟，而呢度既係嘅分開嘅，個人比較鍾意呢個食法。呢個腐乳好香，又唔會太鹹，味道岩岩好。