麺処一家 (已結業)

厚福街好多餐廳選擇，今日想食拉麵，而且見唔洗等位，就入黎試下。一碗都唔平，三款選擇，$98起跳，溏心蛋另加$10，加完一碗都要過百蚊。湯底係我鐘意的濃厚豚骨魚介醬油味，都幾期待。☞妹の選択其實係慢煮豬肩肉，肉味比較濃，肉質滑啲，冇咁多肥肉部分，拉麵係幼身麵，麵質普普通通。湯底亦冇我想像咁濃郁，雖然都唔差，但唔太掛麵。☞料理長の選択慢煮豬肩肉加火灸豬腩肉，火灸豬腩肉比較香啲惹味啲，但相對肥膩啲。整體覺得價錢貴左少少，但店員好細心，見到長頭髮的女食客，會主動送上橡筋綁頭髮。