緻 (已結業)

舊同事約收工食飯，見到呢個景，成個人都放鬆晒。一入到餐廳，好闊落、好靜、好舒服。我同朋友好想食串燒，咁啱見到好多我哋想食嘅都係精選盛合入邊($198)，所以就叫黎試吓。入面嘅加拿大豬拖羅係我最欣賞嘅！未食過豬肉可以咁juicy！超好食。厚切牛舌芯都係我去居酒屋必叫，佢相對比較軟身，加咗啲炒過嘅蔥粒更加香！另外嗰四吋雞嘅串燒就有雞頸肉、雞腿肉、雞柳同雞胸肉。我自己當然最欣賞雞頸肉同雞腿肉啦。雞頸肉有啲豬軟骨，好爽口好香，雞腿肉就好嫩滑。中式嘅炸鮮奶食得多，日式嘅未試過。果然好特別，入面嘅炸鮮奶好軟滑好香，好欣賞佢配左個咖啡味雪糕。下次再做啲嚟，有折就更抵食啦！