手作鮮芋站 (已結業)

芋泥肉鬆吐司 ($42) 6.5/10九龍城呢間新開小店 - 手作鮮芋站，主打芋頭產品，除左食物之外，好多飲品都以芋頭作主角。朋友好鍾意食芋頭，推介我嚟試下。講返呢件芋泥肉鬆吐司，外賣包裝得唔錯，芋泥亦如相中一樣，多到滿瀉。芋泥口感不錯，但肉鬆份量偏少，肉鬆味亦唔出，無左經典嗰種咸甜咸甜既味道。而且吐司包皮偏凍，如果翻熱返應該會更加好食。整體來講味道係不錯，不過價錢偏貴，性價比不高，如果平返小小就會更好。