Bugis@叻沙・海南雞飯

營業中

休息中

個舖名唔知點解都幾難記，門面亦唔特別出彩，行經咁多次荷里活到依家先發現有呢間星馬菜。裝修格局都係啲一列長卡座有隔板或4人卡座。嗌咗兩個午餐加一個麻辣青瓜小食。啲餐嚟到先發現根本唔駛嗌碟青瓜，印尼炒飯都已經有唔少青瓜碟，另外嘥24蚊叫碟青瓜有點多餘。炒飯算係相對抵食，飯量係女人小孩份量，又蝦又串燒，串燒夠多汁惹味。馬來月光河有番咁上下價錢亦俾番咁上下份量，炒河食落幾似乾炒牛河走咗牛嘅味，加隻生蛋撈個麵令個河濕潤啲易入口，配菜有魷魚、魚腐、汁燒蝦、魚蛋切半、小件去骨煎魚，調味鹹甜適中，夠哂充飢。