都佐 (已結業)

之前bookmarked 咗已經想去好耐，今日去開荃灣，咁就終於試到都佐。餐廳地點唔係太容易搵，西鐵站落車都要行一段路。我哋兩個人叫咗牛舌，紫菜冷烏冬，龍蝦沙律包，仲有一件蛋糕。首先牛舌比較薄切，冇乜口感，牛味亦欠奉，一般。紫菜烏冬就幾好，份量好足，紫菜好脆，加埋細細條蛋絲一齊食，好夾。而且個冷烏冬汁都調校得唔錯，好食的。龍蝦沙律包望落去都好吸睛，加埋兩片大芝士，口感都好豐富。不過仿龍蝦肉略為比較有雪味，咁多沙律醬都遮蓋唔到。整體來講可以一試，正常嘅Cafe Standard，再回訪就未必。