影片
更多
2022-08-24
1624 瀏覽
第一次到訪嘅關係，做貪心的小狗叫咗2份5-course，可以試哂更多signature dish😆但教訓話俾我哋知真係唔好眼闊肚窄❗️食到一半已經飽咗七八成，食餐飯真係飽到上心口，食麵包真係會食飽，真係不得了🫣Joel Robuchon麵包籃基本上係世一🫡每款麵包都好好食，每款麵包都有獨特質感、味道。就算食唔哂打包拎返屋企，隔兩日焗返熱都仍然好食。餐廳附送當日前菜係蘆筍凍蒸蛋，簡單清新配搭。打卡必點Le caviar imperial味道層次豐富，魚子醬必然係重點，但龍蝦濃湯做成啫喱再加上梛菜點點醬絕對令成個presentation更昇華！l'oeuf de poule相比之下就較失色，上層灑滿parmesan炸碎令整體heavy咗。pouched egg 個人認為Louise會做得更好更balance，不過依度勝在truffle味道香濃。蔬菜湯(la laitue)同法式馬賽魚湯(le crustacés)兩者各有千秋，馬賽魚湯主力用上新鮮龍蝦熬製而成，味道非常濃郁，好出色！蔬菜湯主要材料係生菜同洋蔥，質地好smooth，底下嘅煙肉更顯咸香味。第一道主菜係海鮮意粉🍝龍蝦意粉真係勁高質🤩
Joel Robuchon麵包籃基本上係世一🫡每款麵包都好好食，每款麵包都有獨特質感、味道。就算食唔哂打包拎返屋企，隔兩日焗返熱都仍然好食。
餐廳附送當日前菜係蘆筍凍蒸蛋，簡單清新配搭。打卡必點Le caviar imperial味道層次豐富，魚子醬必然係重點，但龍蝦濃湯做成啫喱再加上梛菜點點醬絕對令成個presentation更昇華！l'oeuf de poule相比之下就較失色，上層灑滿parmesan炸碎令整體heavy咗。pouched egg 個人認為Louise會做得更好更balance，不過依度勝在truffle味道香濃。
蔬菜湯(la laitue)同法式馬賽魚湯(le crustacés)兩者各有千秋，馬賽魚湯主力用上新鮮龍蝦熬製而成，味道非常濃郁，好出色！蔬菜湯主要材料係生菜同洋蔥，質地好smooth，底下嘅煙肉更顯咸香味。
第一道主菜係海鮮意粉🍝龍蝦意粉真係勁高質🤩龍蝦鮮嫩彈牙，龍蝦汁仲用咗黃酒煮，味道會更突出，而意粉完全吸收哂龍蝦汁精華！唯一挑剔嘅地方係意粉唔係自家製。煎帶子配珍珠意麵其實唔錯，只係龍蝦意粉太搶fo😛北海道珍寶size帶子煎到金黃色，味道鮮甜。noilly prat 忌廉醬汁幾夾，珍珠意粉就多種咬口感。
肉類主菜兩者都好優秀，唔好睇份量好似得幾啖咁，但真係令我飽上心口😅煎鴨胸雖然帶點羶味，但肉質粉嫩，點埋啲肉汁簡直係一流！而la caille燒鵪鶉釀鵝肝係心機代表作，free range鵪鶉肉質本身較結實，鵝肝就可以令口感更豐富，依種釀法令我大開眼界！薯蓉當然係JR 招牌菜，質地非常滑溜，唔知用咗幾多牛油去整🧈每食一啖都充滿邪惡感😆
兩款甜品同樣高質，相信一甜一酸配搭會比較冇咁滯。蘋果塔係好考刀功嘅一道甜品，切到蘋果一片片之餘，蘋果香味極濃，點埋雲呢拿醬都唔會太甜，略嫌餅底有啲硬。朱古力mousse配Earl grey雪糕加榛子醬整體係好夾，層次豐富，不過一個人食哂成份甜品就會覺得過甜。
成個用餐體驗除咗食物素質，服務方面我哋係好欣賞，用親切嘅態度詳細講解每道菜就不在話下。我認為有啲細位係extra ⭐️ 例如:係上其中一個course嘅時候，中途我去咗洗手間未返嚟，職員觀察到依個情況，等我返嚟主動重新上過另一份俾我。另外，食到中尾段，職員見我哋食唔晒啲麵包會主動問吓我哋會唔會想打包，唔浪費係一種美德👍🏻
28 瀏覽
2 讚好
0 留言
24 瀏覽
0 讚好
0 留言
36 瀏覽
0 讚好
0 留言
32 瀏覽
0 讚好
0 留言
29 瀏覽
0 讚好
0 留言
25 瀏覽
0 讚好
0 留言
24 瀏覽
0 讚好
0 留言
22 瀏覽
0 讚好
0 留言
53 瀏覽
1 讚好
0 留言
20 瀏覽
0 讚好
0 留言
張貼
