影片
更多
2024-04-11
2655 瀏覽
甬府🌟 上年前後二訪而家一次過post 🤪呢到嘅前菜係我最喜歡嘅部分之一相當有寧波特色 貫徹鹹鮮合一嘅甬幫菜風格中意食生蟹嘅一定要食招牌十八斬我地唔食生蟹所以就無緣了新風手撕鰻筒：將新鮮鰻魚開背、拆骨、去皮抹鹽再風乾 製成鰻鮝肉質細緻 味道淡麗帶微鹹配玫瑰醋同吃更開胃醬椒螺片🌟惹味爽口！古法豆腐皮冇咩印象😂醪醩土雞🌟醪醩=酒釀已起骨 啖啖肉又滑又重米酒味雞味都好濃🤪沙蔥炒蝦皮 🌟沙蔥生長係西北地區同內蒙等地嘅沙漠之中平時係粵菜不常食到同韭菜係同類 但味道冇咁強烈 反而係溫和清甜加入豬油渣同炒 滑嫩中帶爽口 好特別！甬府捨得 🌟上湯小棠菜 只採核心部份必須「捨得」摘掉外層不夠嫩滑的菜葉亦要差不多大小食落鮮嫩無渣，真係好功夫🤙🏻蔣公芋艿羹🌟以寧波土黑豬煉出豬油渣再加入芋頭熬製入口甘厚醇滑，滿滿脂香鹹鮮在舌尖爆發上桌時以小火爐座熱，愈食愈濃愈綿，亦能保持燙口溫度，食到最底更不斷出煙脆皮水潺🌟於脆漿中加入海苔粉 外層極輕薄使用東海出產嘅九肚魚 literally入口即融我個人其實不是太喜歡呢種冇乜texture嘅魚肉好似一pek嘢😂但炸功非常出色 係應該一試的文火煎牛小排$798得六塊🤣上枱都
上年前後二訪
而家一次過post 🤪
呢到嘅前菜係我最喜歡嘅部分之一
相當有寧波特色 貫徹鹹鮮合一嘅甬幫菜風格
中意食生蟹嘅一定要食招牌十八斬
我地唔食生蟹所以就無緣了
新風手撕鰻筒：
將新鮮鰻魚
開背、拆骨、去皮
抹鹽再風乾 製成鰻鮝
肉質細緻 味道淡麗帶微鹹
配玫瑰醋同吃更開胃
醬椒螺片🌟
惹味爽口！
古法豆腐皮
冇咩印象😂
醪醩土雞🌟
醪醩=酒釀
已起骨 啖啖肉
又滑又重米酒味
雞味都好濃🤪
沙蔥炒蝦皮 🌟
沙蔥生長係西北地區同內蒙等地嘅沙漠之中
平時係粵菜不常食到
同韭菜係同類 但味道冇咁強烈 反而係溫和清甜
加入豬油渣同炒 滑嫩中帶爽口 好特別！
甬府捨得 🌟
上湯小棠菜 只採核心部份
必須「捨得」摘掉外層不夠嫩滑的菜葉
亦要差不多大小
食落鮮嫩無渣，真係好功夫🤙🏻
蔣公芋艿羹🌟
以寧波土黑豬煉出豬油渣再加入芋頭熬製
入口甘厚醇滑，滿滿脂香鹹鮮在舌尖爆發
上桌時以小火爐座熱，愈食愈濃愈綿，亦能保持燙口溫度，食到最底更不斷出煙
脆皮水潺🌟
於脆漿中加入海苔粉 外層極輕薄
使用東海出產嘅九肚魚 literally入口即融
我個人其實不是太喜歡呢種冇乜texture嘅魚肉
好似一pek嘢😂
但炸功非常出色 係應該一試的
文火煎牛小排
$798得六塊🤣
上枱都幾extra 有埋乾冰
腍滑鬆軟 不過比起其他特色菜就略顯普通了
石鍋鱔絲
比想像中少了鑊氣
鱔絲切得幼細 同其他配料混和 存在感有點低
洋蔥炒黃牛肉
同鱔絲個問題一樣
牛肉切絲更加覺得係嘥料😂
沙蒜豆麵🌟
沙蒜正名「海葵」 係海中軟體生物
呈青黃色 含豐富蛋白質 不過煮完係冇乜味嘅
而熬出嘅湯汁膠質極重 質地濃稠 鮮甜味美
擺耐左面頭仲有層衣😳
傳統沙蒜豆麵會用綠豆粉
冇食錯嘅話甬府用嘅係薯粉
入味 煙韌 掛汁 一絕！
手工垂麵
壽星仲有多隻煎蛋
相對家常嘅一道
蝦乾 肉片 芹菜絲
有少少似擔仔麵
苔菜小煎餅🌟🌟
必點！！！有被驚艷到
外層酥脆鬆化而不油膩
內饀釀入海苔、白糖同白芝麻
又甜又鹹，獨特且令人相當回味
呢個菜系係好多精緻手工菜 極考功夫
寧波菜嚟講 甬府真係做得好fine嘅一間
值得嚟體驗體驗
張貼
