保家山 (已結業)

1. 手工和牛漢堡（山葵醬汁）$98個飽軟熟，煎香咗先搽上醬汁，咁就唔會索到淋晒，手工和牛真材實料，完全冇牛嘅羶味，用料靚，只有牛嘅香味，用上和牛，仲要手打，所以特別多肉汁，而且口感覺豐富，配上山葵醬汁完美帶出和牛嘅香味，係非常出色嘅漢堡飽。2. 辣汁嫩雞漢堡（$96）塊雞扒好厚身，肉嫩多汁，完全對得住個名，配上辣汁，真係好夾，超好食，唔食牛嘅人可以叫呢個食！3. +$4要叫牛油薯條&麻辣薯條薯條超級脆，入面好粉，非常好食，特別推介麻辣味，真係好麻好辣！嘢食都有加入香港地道嘅味道！