Joyful Dessert House

營業中

休息中

晚餐之後嘅甜品真係一定要食。係旺角食咗飯之後，揾咗呢間甜品鋪。據說佢係米芝蓮級別。咁一定要試下啦。其中芒果拿破侖係招牌甜品。咁佢係必嗌之一。見到有我鐘意嘅心太軟，都唔放過啦。佢嘅擺盤好靚呀，睇得出係有心思嘅。試咗芒果拿破侖先。芒果見到個色澤都知够甜。果然真係唔錯，甜度够又冇渣。個拿破侖好鬆脆加埋香滑吉士醬同鮮甜嘅芒果，多重口感。好正呀。拿破侖係好食嘅，但食襯都搞到好混亂咁嘅款😜😜。個心太軟就相對濕咗少少，外表唔够脆，但流心效果都明顯，唔太甜，配埋雪糕食真係好夾。呢間鋪都係可以有下次嘅。