Pentola (裕民坊YM²) (已結業)

第一次嚟到裕民坊食飯，估唔到平台花園有咁多新餐廳，感覺好處IFC頂樓一樣，都係咁寫意同埋有少少水池，喺度坐一日一定好chill!! 食西餐多數都唔會有揀錯，太多門口有個Menu寫有波士頓龍蝦意粉，二話不說就入咗去。一坐低，店員就送咗個餐包同埋醋、橄欖油醬汁。好肚餓嘅朋友起碼即刻有嘢落肚。見到燦白tao就忍唔住叫咗個是日餐湯，蘑菇湯，好有口感，個碗都好大，好抵飲！主菜龍蝦意粉，龍蝦肉煙韌有質地，蝦頭仲有啲膏添。手打意粉好新鮮，變身偏硬，如果鍾意食硬身意粉嘅朋友都值得推介。朋友就叫咗個青口，青口有三種醬汁揀選，我哋今次食嘅係酒煮青口。湯送上枱仲係熱辣辣！整體氣氛呢度環境及侍應熱情度一百分，食物味道都有八十分！