影片
更多
2024-12-12
100 瀏覽
喺德福玩完夾公仔掟銀仔，近近地走入隔離嘅Foodeli，睇吓會唔會咁啱有冇位坐低食晚餐，呢度都算多位容易搵，喺度諗食乜嘅時候，就揀咗對正座位嘅呢一間「越南仔」。佢都有幾多選擇，叫咗個晚市套餐，有熱飲，仲有碗湯，湯仲有得揀冬陰功添～今次食呢個炸豬排、炸雞黃薑飯，基本份量都還可以，豬排同雞外皮都炸得金黃鬆脆，講真係意想不到嘅～有啲驚喜；至於黃薑飯，色就有啦，但味就唔係好夠，真係要再調教吓～冬陰功湯諗住都會好辣，但飲落又唔係喎，我諗應該係因為例湯關係啦，易入口啲～下次可以再食吓第二個餐嘅～～
佢都有幾多選擇，叫咗個晚市套餐，有熱飲，仲有碗湯，湯仲有得揀冬陰功添～
今次食呢個炸豬排、炸雞黃薑飯，基本份量都還可以，豬排同雞外皮都炸得金黃鬆脆，講真係意想不到嘅～有啲驚喜；至於黃薑飯，色就有啦，但味就唔係好夠，真係要再調教吓～
冬陰功湯諗住都會好辣，但飲落又唔係喎，我諗應該係因為例湯關係啦，易入口啲～
下次可以再食吓第二個餐嘅～～
張貼
