法租界 (已結業)

Fa Zu Jie–法租界，曾經聽我過朋友ge朋友提過，高級私房菜而水準不俗，最後同女友誤打誤撞就book好左來試食，不過就算book左，要搵成功搵到門口入都要經過智力測驗先得，最後我同女友係問樓下附近路邊一個攤檔，進入小巷，再上一樓搵到傳說中ge純白之門，成功抵達，搵食艱難莫過於此。Menu咁有詩意ge菜名真係好少見。油揚　(あぶらあげ）包住溫泉蛋，淡而香，配搭金華火腿，加埋少少咸，非常開胃，日式腐皮唔難做，最難其實係要創新配搭口味，FZJ就配合左時下好流行ge流心溫泉蛋，淡淡地有蛋汁加埋少少金華火腿甘甘咸咸，做頭盤啱啱好。Curry蟹粉，curry & 蟹粉 都唔係每一個人都鐘意，呢一味我相信如果鐘意ge一定好鐘意，配墨汁脆片，蟹粉食得出有鮮味，配搭咖喱其實唔算特別，主要係味道難掌握，味道偏重，少少提子醋為粉綿上添花，好有貴氣ge一道菜。 (有薄荷薑茶refresh一下口腔味蕾，幾細心。)Boston lobster配薑汁敦奶，龍蝦一定新鮮，薑汁敦奶，夾海鮮湯底。當以為龍蝦係主角ge時候，其實湯底更加吸引，非常鮮味濃郁，問過店家係用蟹、龍蝦、魚一齊煲，所以亦加左糯米丸點湯食，必食之