唐包點 (港鐵黃竹坑站)

營業中

休息中

今日收工上地鐵之前喺唐包點買早餐比屋企人食，我都好好彩，黎到好多包同點心都仲有貨。今次買咗七個包，分別有蓮蓉包、叉燒包、紅豆包、奶皇包、菜肉包、香菇雞包、香芋包。每個獨立包裝，夠晒衛生。呢度蒸包優惠好抵， $24有4個， $19有3個，原價$7.5㗎。仲抵過$19三個既包裝凍包呀。另外，再買咗三份點心，分別有雞扎、燒賣、鮮竹卷，每份$18。唐包點嘅雞扎真係百吃不厭，超足料，所以次次黎都會買。呢度嘅燒賣仲要有蝦係上面，同唐記包點有啲分別，幾抵買。