正月十五 (已結業)

之前經過見到有$25一小時的甜品放題，於是平日下午就去試下。1小時內甜品和飲品也可以任飲任食。我地2個人第一次叫左熱cappuccino，ice mocha, 芒果慕絲蛋糕同埋格仔窩夫伴雪糕。原本想要綠茶牛奶，但當天沒有。窩夫有綠茶和朱古力，我選了綠茶，窩夫口感都幾好，邊位幾脆，但綠茶味不太濃。芒果慕絲蛋糕有新鮮芒果粒，幾好食和一般餅舖差不多。Ice mocha 有朱古力味，但咖啡味較淡，不太甜，幾好飲第二次叫了奶凍和焦糖燉蛋，焦糖面係重點，好好味，但燉蛋蛋味不濃。奶凍普通。總括而言，甜品水準一般，不算太出色，但$25一小時任食的價格十分划算，去開附近可以一試。