Italian Tomato Café (已搬遷) 新店位置

　　今日下晝同愛人黎食下午茶Ｈ餐雙份，每份$45蚊免加一，餐飲每杯加$8蚊轉飲忌廉咖啡，然後散叫一件$28蚊藍莓芝士撻兩份share。　　煙三文魚蘑菇意粉－意粉好爽口，配料都好足，但係個忌廉茨汁真係非常之重奶味，食唔慣嘅人可能會受唔到。　　忌廉咖啡－個忌廉直情係做蛋糕用嘅忌廉味，始終都係「士DA不」Ｄ忌廉好得多。咖啡未落糖水之前飲，有少少酸，落左糖水之後亦唔覺得特別好飲。　　藍莓芝士撻－藍莓清甜新鮮，餅身芝士味較淡，但係蛋味好濃郁，可惜撻皮唔夠脆。食慣重芝士味嘅朋友一定覺得佢唔掂。　　食完之後，我同意前文食家所講，呢間野只係Ｄ糕餅類靠得住，意粉同飲品都係麻麻地。