影片
更多
2022-02-25
211 瀏覽
#鉄板郎深水埗一向都係平靚正美食集中地，之前去過呢間日式鐵板店食嘢，堂食任加飯底，已經好多人幫襯。依家佢哋做$28外賣，冇理由唔幫襯！晚市門口有好多人等外賣，就已經係信心保證。我買咗兩個性價比好高嘅飯：$28蚊牛舌飯，同$38蚊和牛炒飯。打開外賣盒蓋，真係喜出望外，因為牛舌係厚切、大粒而腍身！和牛炒飯亦冇得輸，有多粒和牛肉、炒飯吸收牛肉汁、加埋菜絲蔥粒粟米粒，充滿口感。小店主食雖然以牛為主，小食有多種選擇，追加價錢只係廿蚊三十蚊：-蘆筍牛肉卷 $28-味付螺肉 $18-炸韭菜和牛餃子 $28-炸吉列蠔 $18炸餃子脆卜卜，裏面充滿肉汁！我最欣賞蘆筍牛肉卷，攞到返屋企食，蘆筍仍然翠綠，牛肉柔軟，肉汁同甜豉油好夾。咁好味，我應該叫雙份！地址：深水埗營盤街128號地舖
深水埗一向都係平靚正美食集中地，之前去過呢間日式鐵板店食嘢，堂食任加飯底，已經好多人幫襯。依家佢哋做$28外賣，冇理由唔幫襯！晚市門口有好多人等外賣，就已經係信心保證。
我買咗兩個性價比好高嘅飯：$28蚊牛舌飯，同$38蚊和牛炒飯。打開外賣盒蓋，真係喜出望外，因為牛舌係厚切、大粒而腍身！和牛炒飯亦冇得輸，有多粒和牛肉、炒飯吸收牛肉汁、加埋菜絲蔥粒粟米粒，充滿口感。
小店主食雖然以牛為主，小食有多種選擇，追加價錢只係廿蚊三十蚊：
-蘆筍牛肉卷 $28
-味付螺肉 $18
-炸韭菜和牛餃子 $28
-炸吉列蠔 $18
炸餃子脆卜卜，裏面充滿肉汁！
我最欣賞蘆筍牛肉卷，攞到返屋企食，蘆筍仍然翠綠，牛肉柔軟，肉汁同甜豉油好夾。咁好味，我應該叫雙份！
地址：深水埗營盤街128號地舖
張貼
