新興粉麵

營業中

休息中

琴晚無拉拉走咗轉去北角，十點幾都未開飯，求其亂入一間麵舖，咁就叫咗一碗廿九蚊嘅清湯牛腩麵。尐牛肉越賣越貴，廿九蚊食到一碗麵其實係香港算叫做幾平，依目測碗內 腩件就起碼超過十嚿，十嚿喎，我諗其他地方一定唔會有呢個份量，而麵係幼細嗰隻，腩麵黎講，一碗就肯L定飽肚囉，性價比超強！其實大部份腩件係有尐嚡又有尐韌，不過有幾件崩沙腩仲叫頂得住 ，邊位爽脆，牛味都仲有少少。麵就幼細嗰隻，唔太彈牙又無乜梘水味，我自己就有加少少醋黎調味。湯頭係清湯，飲落口都幾清淡，而幾個鐘頭後都無口喝感，從此估計應該無乜味精，呢個絶對扺讚。