影片
更多
2023-01-04
39 瀏覽
最近同男朋友慶祝就去左食人生第一次嘅和牛懐石料理🤩以Omakase形式逐碟上枱，而且會好似睇表演甘喺吧枱望住日本廚師喺開放式廚房烹調美食。由於兩位大廚及其中幾位店員都係日本人，所以職員溝通主要都係講日語🇯🇵聽住日文好似置身於日本😆店員服務態度一百分又細心，會留意住你的動態及枱面的整潔清潔。店員每碟餸都會講解一下，廣東話、英語、普通話、日語介紹都可以👍🏼總共十一碟料理，你可以詳細望到每碟的烹調方式及擺盤藝術，由頭到尾過程大約三小時。晚餐的鹿兒島和牛Omakase每位$2,000，以「Tongue toTail」嘅概念讓客人全晚可以食匀牛嘅多個部位。🔸開胃菜係燒帆立貝、和牛及烏魚子蓮藕蓉好有驚喜😃蓮藕蓉的味道清甜吾會蓋過燒帆立貝嘅鮮甜及粉嫩和牛嘅牛肉味👍🏼🔸 湯品由三種湯頭煮成，有牛湯、雞湯同魚湯。加入薄切牛脷、北海道雪蟹、蘿蔔片及菊花等，清甜暖胃。🔸 仙氣和牛他他😍精緻矜貴生牛肉粒與瓜粒混合，口感爽脆。在面層以金箔及魚籽醬做裝飾，再以櫻花木煙做煙燻及打開時的仙氣造型🔸 汁煮和牛壽喜燒配半熟水煮蛋及黑松露片師傅會先向我地展示生和牛肉片及原料黑松露讓大家拍照。然後師傅就會將生和牛肉片喺特製醬
店員服務態度一百分又細心，會留意住你的動態及枱面的整潔清潔。店員每碟餸都會講解一下，廣東話、英語、普通話、日語介紹都可以👍🏼
總共十一碟料理，你可以詳細望到每碟的烹調方式及擺盤藝術，由頭到尾過程大約三小時。晚餐的鹿兒島和牛Omakase每位$2,000，以「Tongue toTail」嘅概念讓客人全晚可以食匀牛嘅多個部位。
🔸開胃菜係燒帆立貝、和牛及烏魚子蓮藕蓉
好有驚喜😃蓮藕蓉的味道清甜吾會蓋過燒帆立貝嘅鮮甜及粉嫩和牛嘅牛肉味👍🏼
🔸 湯品
由三種湯頭煮成，有牛湯、雞湯同魚湯。加入薄切牛脷、北海道雪蟹、蘿蔔片及菊花等，清甜暖胃。
🔸 仙氣和牛他他😍精緻矜貴
生牛肉粒與瓜粒混合，口感爽脆。在面層以金箔及魚籽醬做裝飾，再以櫻花木煙做煙燻及打開時的仙氣造型
🔸 汁煮和牛壽喜燒配半熟水煮蛋及黑松露片
師傅會先向我地展示生和牛肉片及原料黑松露讓大家拍照。
然後師傅就會將生和牛肉片喺特製醬汁中過幾下就放入碗，再加入半熟水煮蛋，上枱後在客人面前即場刨黑松露片🖤香氣十足、場景震撼
🔸箸休(味蕾的中場休息）
清一清口腔及味覺的清爽雪葩，用特式器皿裝住(男女會有不同的圖案)。旁邊有片炸慈菇，好少有的伴碟。
🔸 炭燒和牛手握壽司
師傅會在各客人前面示範用燒熱咗嘅日本備長炭去燒和牛的表面，讓客人拍攝。再配製嘅紅酒蘋果蓉汁，味道清新可以中和高油份的和牛。
🔸 吉列牛扒三文治(海膽/魚籽醬）
皮薄酥脆的吉列牛柳❤️兩塊有兩款口味
先食海膽再食魚籽醬👍🏼配上醃脆甘露子食落少少辛辣
🔸煮物燉和牛、白子、海膽、水菜
湯底係牛湯同魚湯，料最特別係有白子係雄魚的生殖腺，由於採用靚料高級食材所以入口柔滑順口，且沒有太大的腥味(之前食過另一間用平貨真係會又爛又腥😳)，上面再灑上紫蘇花令味道更有層次更清新。
🔸 燒物-猶如一幅秋季的藝術品🍁
有肥嫩和牛西冷扒及鵝肝🤤伴隨秋季氣色的伴碟有炭燒茄子、炸蒜片、白果、糯米年糕、炸蕎麥麵、爆開的稻米及小燈籠內的糖漬栗子🌰
🔸主食-牛尾湯和牛稻庭烏冬、紫菜卷物
烏冬湯底係牛湯同魚湯混合，師傅建議先飲一啖湯去品嘗原味，再隨着大片和牛浸在湯底的時間令湯底更有牛味
兩件紫菜卷上面都放咗不同調味，黑色粉狀係風乾的魚籽醬粉另一件係juicy三文魚籽，都係帶鹹香的高級食材。
🔸甜品🥄栗子和菓子及抹茶布甸
和菓子做法是將糯米粉溶於水中桿成薄皮，放入模型中烤製成型，薄脆外層夾住雪糕同栗子蓉🌰
抹茶布甸順滑又重抹茶味💚配杯可愛的貓頭鷹杯裝住的熱抹茶🦉
🎂如果係慶祝生日，餐廳仲會準時甜品碟寫住happy birthday 有蠟燭🕯️一班人唱生日歌😆
張貼
