新沙洞澡堂 (已結業)

呢間韓式餐廳討論度都幾高，環境裝修都好似韓國澡堂，今日去開長沙灣睇戲就順便嚟試吓，估唔到平日夜晚嚟到都有幾多客！餐廳到6月底做緊優惠，買任何主食就可以用$3加購croffle (正價要$58)，每兩人限購一份，對我呢個牛角酥窩夫愛好者嚟講真係超吸引😍▫️晚市韓式豬肉包菜套餐 ($328) 4/5ღ 生菜包豬肉 菜同肉嘅份量啱啱好，生菜爽脆，豬肉肥瘦適中，配埋生蒜、蘿蔔、辣椒同自家醬汁一齊食味道好豐富。自家醬汁辣辣哋仲有少少芝麻味，食落味道唔會死辣有層次🥰ღ 半份炸雞 我地簡咗韓式柚子味，雞件大大舊又冇骨，每一舊都沾滿醬，柚子同蜂蜜味好出，中和咗炸雞嘅油膩感，連平時唔鍾意食炸物嘅我都覺得好食👍🏻ღ 雪嶽山 日本有富士山，韓國又點可以唔提雪嶽山🗻其實佢係乳酸梳打特飲，夢幻藍白色打卡一流，本身以為白包嗰層係奶蓋，但係原本係普通泡泡，味道淡淡哋唔會好甜。▫️法式焦糖燉蛋 韓式牛角酥窩夫 (加購 +$3) 3/5窩夫表面鋪滿燉蛋醬，蛋味香濃，面頭嘅焦糖脆卜卜，真係好似食緊焦糖燉蛋咁。但係窩夫唔夠酥脆，冇牛油香味，上枱已經唔暖，整體扣咗啲分，但以呢個價錢嚟講都冇咩可以投訴。呢到嘅套餐性價比高，食物質素