Jaspas Restaurant (已結業)

2月12日約左兩個朋友入西貢,我地3點幾先入到去,朋友話這裏有好大份的早餐食,我地就嚟左呢度啦,估唔到3點幾仲可以食早餐,哈哈!我地叫左兩個早餐一餐食,一份係痷列套餐,另一份係焗豆/煙肉/腸仔套餐,跟一茶餐飲,餐飲可選咖啡茶,果汁等等.等左唔算好耐就嚟啦,先嚟餐飲,我叫左一杯菊花茶,個茶壼及茶杯都好靚呀,好清香的菊花味,即刻提醒了,朋友就分別叫左一杯泡沬咖啡及愛爾蘭酒咖啡,賣相都相當靚及吸引,味道都應該好味的.好香酒味呀.痷列套餐好大份呀,有塊薯餅,還有半隻蕃茄,一小碗生果,份痷列都好大份,入面我們選左三種味,有芝士,磨菇及煙肉,好味呀,唔算好漏,外層的蛋煎得剛剛熟,好滑,入面的芝士溶左再加埋些磨菇及煙肉一齊食,這個配撘都好好.薯餅都好香口.另一份早餐份量都好大份,有兩隻半生熟雞蛋,兩條腸仔,一塊薯餅,一些煙肉,半隻蕃茄,一些焗豆,好味呀,塊煙肉好香口,感覺唔自好肥,腸仔煎得金香,薯餅又係煎得金香,好味.我們坐了好耐係度傾計,餐廳都沒有趕我們走,我見好多食客已離開但只有我們坐著在傾計,他們已經開始準備晚餐了.這裏環境舒適是適合傾計的地方.