越男仔 (已結業)

上次嚟大壩街食米線，已經留意到同街有間越南餐廳，咁啱今日要攞啲嘢嚟荃灣，搞掂就同個 friend 過嚟吃頓 early dinner。餐牌選項非常豐富，我哋點咗兩個 3 Course Dinner，套餐包 2 個 Starter 同 1 個主食，另外亦可以用優惠價加配飲品。小食有牙車快沙律、無骨黑糖鳳爪沙律、椒鹽脆蛋魚柳、手撕雞檬紙卷，加咗 $15 配煙三文魚。牙車快真材實料，有手撕雞、柚子肉、青瓜和椰菜，入口清新開胃。煙三文魚手撕雞檬紙卷賣相好吸引，配越式魚露吃，滋味無窮。鳳爪沙律酸酸辣辣；魚柳炸至金黃色，外層脆口，內裡魚肉嫩滑，椒鹽味唔會太鹹。招牌去骨海南雞配黃薑飯 ($92)  加咗 $8 轉鴛鴦雞，包海南雞同蒜蓉牛油雞扒。海南雞皮薄肉嫩；雞扒外皮炸至脆卜卜，入口啖啖肉汁。黃薑飯粒粒分明、軟硬適中。另外呢客牛+豬Pho 配紅蕃茄湯檬粉 ($109) 材料亦非常豐富，有生牛肉、烤牛肉、豬頸肉同豬扒。生牛肉牛味濃郁、烤牛肉嫩而不韌、豬頸肉肥瘦適中、豬扒鬆軟不黏牙。湯底酸甜有致；檬粉煮得啱啱好，口感爽彈，唔會過淋，好掛湯。飲品點咗越式拉茶 (+$9) 同 檸檬紅茶 (+$9)，越式拉茶